Tenantiaid yn Gwrthod Mynediad – Beth yw’r broblem, A oes ateb, a Beth yw’r camau nesaf? - Sesiwn 1

Am y gyfres hon

Yn TPAS Cymru, credwn na ellir cyflawni Sero Net heb gyfranogiad cynnar ac ystyrlon gan denantiaid. Ac eto, rydym wedi clywed gan lawer o swyddogion fod cael mynediad ac ymddiriedaeth yn dod yn fwy anodd. Dyna pam rydym wedi creu cyfres o bedair sesiwn i chwalu’r broblem, gwrando ar denantiaid, casglu mewnwelediadau traws-sector, a dod o hyd i atebion ymarferol.

Sesiwn Un: Gwrando ar Swyddogion – Beth yw’r broblem a pham mae achosion o wrthod yn digwydd?

Dydd Mawrth, 19 Mai 2025: 2pm - 3pm

Ymunwch â ni am sgwrs onest, ymarferol gyda swyddogion ar reng flaen cyflawni Sero Net. Mae’r sesiwn bord gron hon yn rhoi lle i swyddogion rannu’r hyn sy’n digwydd mewn gwirionedd pan fydd tenantiaid yn gwrthod mynediad ar gyfer uwchraddio neu asesiadau - a pham.

Byddem yn archwilio:

• Themâu a heriau cyffredin y mae swyddogion yn eu hwynebu o ran cael mynediad
• Beth sy'n gweithio (a beth sydd ddim) o ran adeiladu ymddiriedaeth
• Yr offer cymorth a'r deunyddiau sydd eisoes yn cael eu defnyddio
• Sut y gallai safbwyntiau tenantiaid lunio gwell adnoddau swyddogion

Mae’r drafodaeth hon yn gyfle i fyfyrio a chysylltu â staff tai gyda’r nod o feithrin cyd-ddealltwriaeth o’r broblem - a gosod y llwyfan ar gyfer y cam nesaf: clywed yn uniongyrchol gan denantiaid.

Noder: Bydd swyddogion sy'n mynychu'r sesiwn hon yn derbyn gostyngiad ar gyfer y sesiwn olaf ar ddatrysiadau a gynhelir ym mis Medi.

Archebwch eich lle drwy'r ddolen Zoom yma

Noder – Unwaith y byddwch wedi archebu drwy ddefnyddio'r ddolen hon byddwch yn derbyn cadarnhad e-bost gyda'r ddolen ymuno yn uniongyrchol gan Zoom ([email protected]) Nid yw'r ddolen ymuno yn dod o gyfeiriad e-bost TPAS Cymru felly efallai y bydd angen i chi wirio'ch blychau e-bost sbam / sothach. Mae'r e-bost gyda dolen ymuno hefyd yn rhoi'r cyfle i chi gadw'r manylion i galendr electronig, fel Outlook.