Diffyg Atgyweirio: Bord Gron Lleithder a Llwydni ar gyfer staff

Dydd Mercher 8 Ionawr 2025: 11.00am – 12.30pm

Sesiwn ar-lein rhad ac am ddim yw hon yn arbennig ar gyfer staff o aelod-sefydliadau TPAS Cymru

Effaith diffyg atgyweirio: mae lleithder a llwydni yng nghartrefi tenantiaid yn parhau i fod yn uchel ar agendâu, gan gynnwys yn SATC23 ac adroddiad diweddaraf yr Ombwdsmon Gwasanaethau Cyhoeddus (OGCC).

Byddwch yn rhan o’r sesiwn Bord Gron staff hanfodol hon i archwilio a rhannu sut mae’r sector yn parhau i ymateb a chefnogi tenantiaid mewn ymateb i ddisgwyliadau Tenantiaid a’r sector.

Fforwm Bord Gron yw hwn i’ch galluogi i rwydweithio, rhannu syniadau, gofyn cwestiynau a rhannu dulliau gweithredu ac ymarfer gyda’r cynrychiolwyr eraill sy’n bresennol.

Yn ystod y Ford Gron nesaf hwn byddwn yn canolbwyntio ar rai themâu allweddol, gan gynnwys y rhai a nodwyd yn adroddiad OGCC:

• Materion mynediad – sut mae sefydliad yn lleihau materion sy'n ymwneud â mynediad ar gyfer archwiliadau a gwaith atgyweirio tra'n cefnogi Tenantiaid?
• Pryderon, cwynion yn erbyn ceisiadau am wasanaeth – Sut mae sefydliadau'n ymdrin ag adroddiadau o ddiffyg atgyweirio/lleithder a llwydni?
• Archwiliadau cyn gosod – sut mae landlordiaid yn sicrhau bod cartrefi mewn cyflwr da ac yn addas i fyw ynddynt ar y pwynt gosod?
• Cyfathrebu a gwybodaeth i denantiaid – Beth sy’n gweithio? Pa fath o gyfathrebiadau a gwybodaeth sy'n ymwneud â lleithder a llwydni sy'n cael effaith gadarnhaol?

Beth yw nod y sesiwn? - Dyma gyfle i chi siarad yn agored gyda chyfoedion, i rannu ac archwilio beth sy'n gweithio, beth sydd ar goll a beth fydd yn gwneud gwahaniaeth gwirioneddol i denantiaid.

Ar gyfer pwy mae’r sesiwn? – mae'r sesiwn Ford Gron hon ar gyfer staff sy'n gyfrifol am feysydd cysylltiedig megis: rheoli asedau, atgyweirio, cwynion a gwella gwasanaethau.

Mae hon yn sesiwn ar-lein rhad ac am ddim ar gyfer aelodau TPAS Cymru yn unig.

Archebwch eich lle drwy’r ddolen Zoom yma