Ydych chi'n denant sy'n rhentu yng Nghymru?

Mae TPAS Cymru yn gyffrous i lansio ei 5ed arolwg Pwls Tenantiaid sy’n canolbwyntio ar gynhesrwydd fforddiadwy, effeithlonrwydd ynni, a’r daith tuag at dai Net Sero yng Nghymru. Mae'r arolwg cyflym hwn yn cymryd llai na 5 munud ac yn rhoi'r cyfle i chi rannu eich profiadau a siapio dyfodol tai.

Mae cynhesrwydd fforddiadwy yn dechrau gyda chi. Mae eich cartref, eich biliau ynni, a'ch cynhesrwydd yn bwysig i ni. Fel tenantiaid, mae eich barn ar wresogi ac effeithlonrwydd ynni yn hanfodol i adeiladu cartrefi cynnes, gwyrdd sy'n gweithio i bawb.

Mae ein harolygon Pwls Tenantiaid yn rhoi mewnwelediad gwerthfawr i brofiadau tenantiaid, yr ydym yn eu cyflwyno i swyddogion y llywodraeth, rhanddeiliaid tai, a llunwyr polisi. Drwy rannu eich persbectif, rydych yn helpu i ysgogi newid ystyrlon a dylanwadu ar ddyfodol tai yng Nghymru.

Os ydych yn denant yng Ngymru, sicrhewch bod eich llais yn cael ei glywed trwy gwblhau'r arolwg yma.

Mae Eich Data yn Bwysig i Ni:

Rydym yn cymryd eich data o ddifrif ac yn sicrhau bod ein harolygon Pwls Tenantiaid yn diogelu eich gwybodaeth. Ni fyddwn byth yn rhannu eich gwybodaeth bersonol â thrydydd partïon ac ati.

Beth yw Pwls Tenantiaid?

Pwls Tenantiaid yw panel swyddogol Cymru gyfan i denantiaid rannu eu barn ar y materion sydd bwysicaf. Wedi’i greu gan TPAS Cymru bum mlynedd yn ôl a’i gefnogi gan Lywodraeth Cymru, mae Pwls Tenantiaid yn casglu adborth yn rheolaidd ar bynciau allweddol i helpu i lunio polisïau tai yng Nghymru.

P'un a ydych mewn Tai Cymdeithasol (Cymdeithasau Tai a thai Cyngor) Rhentu Preifat, neu Dai â Chymorth, mae Pwls Tenantiaid yn mwyhau eich llais.

Hoffai TPAS Cymru ddiolch i'r holl denantiaid a roddodd o'u hamser i gwblhau'r arolwg. Mae eich llais yn wirioneddol bwysig, ac rydym yn gwerthfawrogi eich amser yn fawr.

Mae Pwls Tenantiaid yn rhan o'n gwaith Llais y Tenant a noddir gan: