Rhwydwaith Tenantiaid Rhanbathol - Ffocws ar Lais Tenantiaid mewn Gosod Rhenti

Dyddiad: Dydd Iau 23 Ionawr 2025

Amser: Cofrestru am 10am i gychwyn am 10.15am – 12.30pm

Lleoliad: Swyddfa Barcud, Ty Canol House, 165 Ffordd Croesawdy, Dolfor Rd, Y Drenewydd, SY16 1AL

Mae hwn yn ddigwyddiad rhad ac am ddim i'w fynychu. Darperir lluniaeth ysgafn. Dim cinio.

A ydych yn denant i landlord cymdeithasol?

Os ydych, fe'ch gwahoddir i ddigwyddiad anffurfiol, cyfeillgar a rhad ac am ddim! Digwyddiad wyneb yn wyneb i glywed y newyddion diweddaraf mewn tai cymdeithasol a Llais y Tenantiaid ac i gwrdd â thenantiaid eraill i rannu syniadau a dysgu gan eraill.

Gall landlordiaid cymdeithasol yng Nghymru osod rhenti gan ddefnyddio modelau a dulliau gwahanol ond rhaid iddynt wneud hynny o fewn y polisi rhenti a osodwyd gan Lywodraeth Cymru (LlC).)

Felly, beth ddylai gael ei gynnwys mewn polisi rhent a osodwyd gan Lywodraeth Cymru a beth ddylai landlordiaid ei ystyried wrth osod rhenti? Beth sy'n bwysig i chi? Ai fforddiadwyedd ydyw? Gwerth am arian? Ymgynghori â thenantiaid? Costau rhedeg eiddo?

Bydd barn gyffredinol y sesiwn yn cael ei rhannu â swyddogion Llywodraeth Cymru i helpu i sicrhau bod Llais y Tenantiaid yn llywio eu polisi Gosod Rhent yn y dyfodol.

• Er mwyn helpu i reoli niferoedd ac i sicrhau bod cymysgedd o denantiaid o wahanol landlordiaid yn gallu mynychu, rydym yn y lle cyntaf yn gwahodd hyd at 4 cynrychiolydd tenantiaid o bob Landlord i fynychu’r Rhwydwaith wyneb yn wyneb hwn. 
• Gan fod niferoedd yn gyfyngedig, holwch eich landlord rhag ofn bod yna denantiaid eraill sydd eisiau dod i'r rhwydwaith hwn.
• Os ydych yn bwriadu hawlio costau teithio gan eich landlord i fynychu, holwch eich landlord cyn archebu eich lle.

Dyma gyfle i rannu lleisiau Tenantiaid, clywed beth mae Tenantiaid eraill yn ei wneud ar draws gogledd Cymru ac i ddylanwadu ar bolisi Llywodraeth Cymru.

• I archebu eich lle, cysylltwch â: [email protected]   
• Sicrhewch eich bod yn rhoi gwybod i Iona am unrhyw anghenion penodol e.e. parcio i’r anabl, gofynion dietegol, mynediad ar gyfer cadeiriau olwyn ac ati.
• Dyddiad cau: canol dydd 16 Ionawr 2025

Diolch i Barcud am gynnal y digwyddiad hwn yn eu swyddfeydd yn y Drenewydd