Cartrefi a Chymunedau Gogledd Cymru

9.30am (i gychwyn am 10.00am) – 1.00pm

Rydym yn gyffrous i gyhoeddi y bydd ein cynhadledd hanner diwrnod poblogaidd Cartrefi a Chymunedau - Gogledd Cymru yn cael ei chynnal eto eleni yn Venue Cymru ddydd Mercher 12 Mawrth.

Mae’r digwyddiad anffurfiol ac addysgiadol rhad ac am ddim hwn ar gyfer staff a thenantiaid ac ar gyfer aelodau TPAS Cymru yn unig. Bydd yn gyfle gwych arall i glywed gan amrywiaeth o siaradwyr ysgogol ac addysgiadol am yr hyn sy’n digwydd ym maes tai a chymunedau gogledd Cymru. Bydd hefyd yn rhoi cyfle i chi rwydweithio gyda mynychwyr eraill o landlordiaid cymdeithasol ar draws y rhanbarth. 

Edrychwn ymlaen at eich gweld chi yno!

Siaradwyr wedi eu cadarnhau: 

Dysgwch am Tŷ Gwyrddfai, canolbwynt datgarboneiddio arloesol yng ngogledd Cymru sydd wedi dod â’r sector tai, darparwyr addysg a hyfforddiant, cymunedau a busnesau ynghyd. Darganfyddwch sut mae'r prosiect yn arwain at weithlu mwy cymwys a medrus a fydd yn helpu i wneud cartrefi'n fwy ynni-effeithlon, lleihau allyriadau carbon ac effaith costau ynni cynyddol a gwella ansawdd bywyd i denantiaid.

Clywch am waith dylanwadol y Prosiect Cydlyniant Cymunedol yng ngogledd Cymru. Darganfyddwch sut mae'r prosiect yn cefnogi cymunedau ar draws y rhanbarth i fod yn fwy cynhwysol a chydlynol a'r gwahaniaeth y mae hynny'n ei wneud i bawb. Bydd Emily a Catrin yn rhannu rhai enghreifftiau o’u gwaith a sut maen nhw o fudd i’r gymuned.

Clywch gan Mike a Rebecca o Brosiect Dewi a fydd yn rhoi’r cyd-destun a throsolwg o’r rhaglen 5 mlynedd hon o waith gyda Byrddau Gwasanaethau Cyhoeddus yng ngogledd Cymru. Bydd Mike a Rebecca yn cyflwyno ar arferion da Cydgynhyrchu a chynnwys ac yn rhannu rhai o ganlyniadau’r prosiect hyd yma ac yn myfyrio ar y gwersi a ddysgwyd.

Noder: Bydd y niferoedd ar gyfer y gynhadledd hon yn gyfyngedig felly, er mwyn sicrhau bod lleoedd ar gyfer ein holl aelodau, rydym yn y lle cyntaf yn caniatáu i 3 aelod o staff a 3 thenant o bob aelod o Landlordiaid gadw lle. Bydd y lleoedd hyn ar sail y cyntaf i’r felin: os oes gennym unrhyw leoedd sbâr yn nes at ddyddiad y digwyddiad byddwn yn eu hail-hysbysebu.  Ebostiwch [email protected] i archebu eich lle ac i roi gwybod am unrhyw anghenion hygyrch neu ddietegolnd.

Lunch will not be provided at this half day conference.  Also, please ask for permission from your Landlord if you’re wanting to claim travel expenses to attend this event.

Wedi'i gefnogi'n garedig gan