Pam fod cwynion fel Llwch Aur! (Agenda Rhifyn 13)

Pynciau i Grwpiau Tenantiaid eu trafod â'u landlord

Mae rhai grwpiau tenantiaid wedi gofyn inni am eitemau agenda amserol / sesiynau briffio pwnc i'w grŵp tenantiaid eu trafod â'u landlord.  Mae TPAS Cymru wedi creu cyfres friffio yr ydym yn ei galw’n ‘Agenda’ sy’n darparu grwpiau tenantiaid efo trosolwg o bwnc ac yn awgrymu cwestiynau y gallech eu gofyn wrth i chi ymgysylltu â’ch landlord.  Bydd y briff hwn yn canolbwyntio ar denantiaid yn cymryd rhan mewn prosesau cwyno da.

Pam fod cwynion yn bwysig

Yn aml, ystyrir y term ‘cwynion’ neu ‘i gwyno’ yn negyddol gan ddarparwyr gwasanaethau. Mae'r cwynion hyn yn tynnu sylw at feysydd allweddol lle mae angen gwella cynhyrchion a gwasanaethau, felly mewn gwirionedd mae'n adborth gwych i alluogi addasu gwasanaethau i weddu i'r defnyddiwr gwasanaeth. Onid ydych chi'n cytuno?

Yn ein cynhadledd flynyddol yr wythnos diwethaf, rhannodd Ombwdsmon Gwasanaethau Cyhoeddus Cymru gyda ni bwysigrwydd o ganolbwyntio ar yr achwynydd, gan dynnu sylw y dylai'r achwynydd wastad fod yng nghanol y broses gwynion. Pwysleisiwyd hefyd bod angen i ddarparwyr gwasanaeth fod yn hyblyg wrth ymateb i wahanol anghenion achwynwyr; h.y. ystyried set unigol amgylchiadau pob unigolyn.

Felly, sut mae arfer da yn edrych?

Yn ôl yr Ombwdsmon, mae prosesau cwyno da yn hygyrch i bobl o bob rhan o'r gymdeithas; maent yn weladwy, ac maent yn cael cyhoeddusrwydd da. Mae bod yn hygyrch i bawb yn golygu bod unrhyw ddarpariaeth yn cael ei gwneud ar gyfer gwahanol ieithoedd a lefelau llythrennedd.

Ffactor pwysig arall i brosesau cwynion da yw pan ddefnyddir y wybodaeth o'r gŵyn i wella gwasanaethau i bawb - nid yr unigolyn sy'n gwneud y gŵyn yn unig. Er enghraifft, gall landlordiaid weithio gyda'r achwynydd i ddeall ei gŵyn ac osgoi ymddygiad amddiffynnol, gan gyfaddef pan fo rhywbeth o'i le ac ymddiheuro'n briodol. Mae'r Ombwdsmon yn pwysleisio bod defnyddio data cwynion i ddeall perfformiad yn allweddol i wella gwasanaethau.

“Nid cyflawni llai o gwynion yw nod prosesau cwynion da. Y nod yw cynnal perthnasoedd, amddiffyn enw da, a gwella gwasanaethau i'r holl ddefnyddwyr”

Beth allwch chi, fel tenantiaid ofyn i'ch landlordiaid?

 

Gobeithio eich bod wedi mwynhau darllen y rhifyn hwn o'r Agenda. Byddem wrth ein bodd yn clywed am unrhyw sgyrsiau rydych chi wedi'u cael gyda'ch landlord ynglŷn â'r pwnc hwn, felly e-bostiwch [email protected] gydag unrhyw adborth neu gwestiynau pellach.