Gwobrau Arfer Da 2024: Darganfyddwch mwy am y gwaith ysbrydoledig a'r llwyddiannau ledled Cymru.
Cawsom ein syfrdanu gan yr holl gyflwyniadau ysbrydoledig a gwych a gawsom ar gyfer ein Gwobrau Arfer Da 2024 ac roeddem eisiau rhannu gwaith anhygoel yr enillwyr gyda chi.
Eleni, roeddem wrth ein bodd i fod yng Nghaerdydd unwaith eto gyda thenantiaid, staff a gweithwyr proffesiynol o bob rhan o Gymru i ddathlu a rhannu rhywfaint o’r arfer da hwn ac i gefnogi ac ysbrydoli eraill.
Cyhoeddwyd enillwyr ac enwebeion 2024 yn ein Cinio Gala a Seremoni Wobrwyo yng Ngwesty Leonardo, Caerdydd ar 3 Gorffennaf 2024.
Y categorïau ar gyfer 2024 oedd:
-
Llais y Tenant - Noddwyd gan Cartrefi Cymoedd Merthyr
-
NEWYDD Cynnwys Tenantiaid mewn mentrau Amgylcheddol - Noddwyd gan CIH Cymru
-
Cynnwys Tenantiaid wrth Lunio neu Adolygu Gwasanaethau - Noddwyd gan TCC
-
Cymunedau'n Cefnogi Cymunedau - Noddwyd gan Cartrefi Conwy
-
Tîm Tenantiaid y Flwyddyn - Noddwyd gan Tai Taf
-
Cyfathrebu â Thenantiaid a Phreswylwyr - Noddwyd gan Hough Bellis
-
Rhaglen Cymorth/Cyngor i Breswylwyr - Noddwyd gan Altair Cyf
-
NEWYDD Preswylydd/Tenant Ifanc y Flwyddyn - Noddwyd gan Tai Sir Fynwy
-
Tenant y Flwyddyn - Noddwyd gan Y Brifysgol Agored
Rhoddwyd Gwobr Cydnabyddiaeth Arbennig hefyd.
Rydym wedi llunio'r adroddiad canlynol y gellir ei lawrlwytho er mwyn rhannu'r hyn a ddysgwyd ac ysbrydoli eraill:
Mae’r adroddiad hwn yn rhoi rhagor o wybodaeth am bob un o’r 10 enwebiad buddugol a 3 uchaf y beirniaid ym mhob categori.
Diolch i holl enwebwyr gwobrau eleni am ddarparu cynnwys yr adroddiad hwn. Rydym wedi ychwanegu eu manylion cyswllt ar gyfer pob un o'r enwebiadau buddugol os hoffech gael gwybod mwy am y prosiectau.
Hoffem hefyd ddiolch i Lywodraeth Cymru am ariannu’r digwyddiad yn rhannol ac rydym yn arbennig o ddiolchgar i’n noddwyr, Tai Wales & West.
Diolch i chi unwaith eto ac edrychwn ymlaen at eich gweld mewn digwyddiad TPAS Cymru yn fuan.